This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.
D’Äischdall-Leefer sinn ee Lafclub aus der Gemeng Habscht aus dem Weste vum Land.
D’Äischdall-Leefer sinn ee Lafclub aus der Gemeng Habscht aus dem Weste vum Land. Dëse Veräin, den 2010 gegrënnt ginn ass, zielt aktuell 14 Comitésmemberen, déi aktiv un Lafcoursse wéi och un Wanderungen am In- an Ausland deelhuelen. Mat der Organisatioun vum Äischdall-Trail haten d’Äischdall-Leefer d’Idee, duerch eng flott Course/Marche (Leefer an Nordic-Walker) op d’Attraktivitéit vun dëser flotter Regioun opmierksam ze maachen an d’Leit fir hire Sport ze begeeschteren. Ganz nei organiséieren d’Äischdall-Leefer 2024 déi éischt Editioun vum Habschter Charity Walk & Run zu Habscht.
Äischdall
Den Äischdall ass eng Regioun am Weste vum Land, déi hiren Numm duerch déi doduerch fléissend Bach „Äisch“ kritt huet. Niewent der Gemeng Habscht, wou d’Äischdall-Leefer hiert Doheem hunn, gehéiere weider Gemenge wéi Käerch, Miersch an Helperknapp zum Äischdall. Bekannt ass d’Regioun virun allem duerch hier Buergen a Schlesser (Käerch, Simmer, Aansebuerg, Huelmes, Recken, Miersch), wouduerch dës Regioun och nach ënnert dem Numm „Dall vun de siwe Schlässer“ bekannt ass.
Äischdall-Trail
Den Äischdall-Trail ass eng Lafcourse a Marche fir Leefer an Nordic-Walker. No 12 Editiounen an engem Schnëtt vu 450 Participanten zielt den Äischdall-Trail zu engem traditionellen a gréissere Sportevent am Äischdall. De Parcours den zu Äischen fort geet, féiert duerch d’Bëscher an d’Felder aus der Regioun. Niewent den Haptcourse vun 21km, 11km a 6km ginn ausserdeem Kannercourse vu 1000m an 500m organiséiert. Och un d’Nordic-Walker ass geduecht, sou dass eng Marche vun 21km, 11km an 6km organiséiert ass.
Habschter Charity Walk & Run
Verbrenn däi Speck fir de gudden Zweck